Sawirro: Qarax gaari weyn kasoo reebay Cad yar & Dowlada Kenya oo la fajacday awooda Qaraxaasi

[Deeq A.]

Muqdisho (Caasimada Online)-Dowlada Kenya ayaa soo bandhigtay burburka ka dhashay Qarax lagu dilay 7 ka mid ah ciidanka Kenya, iyadoo ay laba kale dhaawacmeen.

Saraakiishan dowlada u qaabilsan taxqiiqa ayaa sheegay in qaraxa markii uu dhacayey wadeen howlgallo roondo ah oo amniga lagu sugayey.

Gaariga qaraxa haleelay ayaa qeyb ka ahaa gawaari roondo wada waxaana mar qura mid kamid ah gaadiidka dagaalka ciidamada Kenya haleelay qarax aad u awood badan.

Waxa ay saraakiishu sheegtay in Qaraxa uu ahaa mid awood badan isla markaana baab’iyay gaarigii uu haleelay, waxaana isla goobta ku dhintay askartii saarneyd.

Maleeshiyada al-Shabaab ayaa sheegatay qaraxa miinada inay ku dileen askar gaareysa illaa 15 askari oo Kenyan ah.

Xoogaga Shabaab ayaa qaraxyada miinooyinka ah waxa ay ku aasaan wadooyinka ay maraan ciidamada Kenya.