Maxaa ka jira in MD Farmaajo uu ka qeybgali doono Cayaarta Fiinaalka ee xulka 17 jirada Somalia?

[Deeq A.]

Muqdisho (Caasimada Online)-Warar soo baxaaya ayaa sheegaya in Madaxweynaha Somalia Maxamed Cabdullahi Farmaajo uu ka qeybgali doono cayaarta fiinaalka koobka bariga iyo bartamaha Africa.

Madaxweyne Farmaajo ayaa la sheegay inuu jecleystay in uu goobjoog ka noqdo cayaarta fiinaalka wiilasha 17-jirada ah ee dalka.

Madaxweyne Farmaajo ayaa goobjoognimadiisa cayaarta ula gol leh kor u qaadista niyada cayaartooyda, sida aan kasoo xiganay xubno ku dhow dhow.

Madaxweyne Farmaajo ayaa u socdaalaya dalka Burundi si uu goobjoog uga noqdo finalka koobka bariga iyo bartamaha Africa oo ay Cayaarayaan Xulka 17-jirada ah ee Soomaaliya.

Madaxweynaha ayaa waxaa wehlin doona Wasiiro iyo Xildhibaano si ay goobjoog uga noqdaan Cayaarta fiinaalka ee la filaayo inay cayaaran.

Sidoo kale, waxaa cayaarta goobjoog ka noqon doona Madaxweynaha Burundi iyo mas’uuliyiin ka tirsan dowladiisa oo wehlin doona Madaxweynaha Somalia.

Si kastaba ha ahaatee, Madaxweynaha dalka ayaa noqonaaya kii ugu horeeyay oo Cayaartooyda kala qeybgala kulanka Fiinaalka, waa haddii aanu dhicin isbedel.

Caasimada Online

Xafiiska Muqdisho

Caasimada@live.com