Ciidamo badan oo la dhigay isgooysyada Muqdisho

[Deeq A.]

Ciidamo aad u farabadan oo katirsan kuwa dowlada Soomaaliya ayaa la dhigay isgooysyada Magaalada Muqdisho ee caasimada Soomaaliya.

Ciidamadaan oo isugu jiro Boolis iyo Nabad sugida ayaa ah kuwo aad u hubeeysan islamarkaasina u feejigan.

ciidamada ayaa la dhigay isgooysyada ku teetsan wadooyinka Makka Al-Mukarama, Wadnaha Soddonka iyo warshadaha.

Ciidamada ayaa baaritaano ku sameeynaya gaadiidka kala duwan ee isticmaalayo wadooyinka ciidamada la dhigay.

Amaanka magaalada Muqdisho ayaa si aad ah loo sugay waxaana sidoo kale magaalada ka socdo howlgalo balaaran oo ay ciidamada sameeynayaan ciidamada amaanka.

30-ka bishaan ayaa lagu wadaa in magaalada Muqdisho ay ka dhacdo doorashada Gudoomiyaha Baarlamaanka Soomaaliya.

Xasan Maxamed Samatar Cowke

Puntland Post Muqdisho

The post Ciidamo badan oo la dhigay isgooysyada Muqdisho appeared first on Puntland Post.