Dagaal Beeleed Qasaare Geeystay oo ka dhacay Duleedka Dhuusamareeb

[Deeq A.]

Faah faahino dheeraad ah ayaa kasoo baxaya dagaal khasaare dhimasho iyo dhawac geystay oo ka dhacay deegaano katirsan gobalka galgaduud.

Dagaalka ayaa ka dhacay deegaan lagu magacaabo Olol oo qiyaastii 35km u jira Magalada Dhuusamareeb ee gobalka galgaduud, kaasi oo u dhaxeeyay laba maleeshiyaad walaala ah.

Goobjooge ka ag dhawaa halka dirirtu ay ka dhacday sheegay dagaalka u dhaxeeyay labada maleeshiyo iney 7 ruux dhimasha iyo dhaawac ku noqdan oo u badan dadka deegaanka sida goobjooge ku sugnaa halka uu dagaalka ka dhacay u xaqiiyay Idaacada Simba.

Maleeshiyaadka ayaa la sheegay inuu salka ku hayo dagaalka dhaxmaray arima quseeya dhul, sidaan oo kalena marar badan ayey maleeshiyaadkaasi ku dagaalameen deegaano katirsan gobalka Galgaduud.

Maamulka gobalka Galgaduud oo Xiriiro kala duwan aynu la sameynay ayaa ka hadlin dagaalka dhacay iyo khasaaraha ka dhashay intaba, balse saraakiil katirsan maamulka oo la hadlay Simba ayaa sheegay iney ka war qabaan dagaalka dhacay, lakin ay ka war sugayaan madaxda ka sareysa amarka ay siiyaan.

Wararkii ugu danbeeyay ee kasoo baxaya dagaalka ayaa ku waramaya in labada maleeshiyo beeleed ee dagaalka uu ku dhax maray deegaanka Olol ay wali is hor fadhiyaan, sido kale majirto wali wax waan waan ah oo la kala dhax dhigay labada maleeshiyo oo  laga cabsi qabo in mar kale ay dagaalamaan.

PUNTLAND POST

The post Dagaal Beeleed Qasaare Geeystay oo ka dhacay Duleedka Dhuusamareeb appeared first on Puntland Post.