Taliska Ciidanka Nabad-Sugidda iyo Sirdoonka oo soo bandhigay Horjooge ka goostay kooxda Al-shabaab .

[Deeq A.]

Muqdisho-(Caasimadda Online)-Taliska Ciidanka Nabad-Sugidda iyo Sirdoonka ee Gobolka Gedo ayaa soo bandhigay horjooge ka tirsanaa kooxda Alshabaab oo isa soodhiibay.

Horjoogahaan oo lagu magacaabo Cabdixakiin Xuseen Yuusuf Isxaaq oo ka mid ahaa kooxda Al-shabaab, isuna dhiibay ciidamada Nabad Sugida ee Degmada Balad-Xaawo ee Gobolka Gedo.

Ninkan ayaa sheegay inuu kooxda Al-shabaab ka mid ahaa mudo afar sano ah waxaana uu ku sheegay sababaha uu uga soo baxay Al-shabaab in ay tahay dhaca xoolaha Umadda Soomaaliyeed.

Horjooge Cabdixakiin ayaa ku baaqay in si wanaagsan loo soo dhaweeyo dhalinyaradii uu uga soo tagay Al-shabaab oo uu sheegay in qaarkood ay diyaar u yihiin sidii ay uga soo bixi lahaayeen falalka guracan ee Argagixisada.

Saraakiisha NISA ayaa dhankooda sheegay in ay soo dhaweynayaan shaqsi kaste oo horay ugu mid ahaa dagaalamayaasha kooxda Al-shabaab ee isku soo dhiiba Dowladda soomaaliyeed.

Caasimada Online

Xafiiska Muqdisho

Caasimad@live.com