Al-Shabaab oo Qarxisay garoon kubadda lagu ciyaaro & Khasaaro xoogan oo ka dhashay

[Deeq A.]

Muqdisho (Caasimada Online)-Qarax xoogan ayaa waxa uu ka dhacay Garoon lagu cayaaro kubadda cagta oo ku yaalla bartamaha degmada Baraawe ee Gobolka Shabeellaha Hoose.

Qaraxan oo xoogiisa laga wada maqlay degmada Baraawe, ayaa waxa uu kusoo beegmay xili ay socotay Ciyaar kubadda Cagta ah oo u dhaxeysay laba kooxood oo looga garanayo degmada Baraawe.

Kooxaha cayaarta ay u dhexeysay xiliga Qaraxa ayaa lagu kala magacaabo Elman iyo SYl, waxaana inta ay soctay mar qura la maqlay Qaraxa.

Qaraxa oo ahaa Miinada nooca dhulka lagu aaso ee meelaha fog fog laga hago ayaa waxaa ku dhinteen 4 Qof oo Shacab ah.

Khasaaraha dhaawac ee Qaraxa ayaa sii maraya 6 ruux oo kale, sida uu xaqiijiyey Gudoomiye Ku-xigeenka Amniga iyo Siyaasada Degmada baraawe.

Garoonka ayaa waxaa sidoo kale ku sugnaa Mas’uuliyiin ka tirsanaa maamulka Baraawe iyo boqolaal kamid ah Shacabka degmada oo usoo daawasho tagay Garoonka ay ku argagaxeen Qaraxa.

Dhinaca kale, maamulka Degmada ayaa sheegay in Qaraxa ay ka danbeeyen maleeshiyaadka al-Shabaab oo inta badan dhagaro u maleega dadka shacabka ah.

Caasimada Online

Xafiiska Muqdisho

Caasimada@live.com