Taliye Gorod ” Waan soo qabanay Ciidamadii Maanta hubka la galay Xarunta Baarlamaanka”

[Deeq A.]

Taliyaha Ciidamada Milatariga Soomaaliya Sareeya Gaas C/wali jamac Gorod oo wariyaasha Goordhow caawa la hadlay ayaa sheegay in gacanta lagu dhigay askar maanta hub la gashay xarunta Golaha Shacabka.

Taliye Gorod ayaa sheegay in ciidamadaasi ay katirsanyihiin ciidamada Milatariga Soomaaliya islamarkaasina intoodii badneyd gacanta lagu dhigay.

Waxa uu sheegay in ciidamadaasi ay ku xadgudbeen dalka islamarkaasina ay diideen amarkii loo gudbiyay islamarkaasina hub ay lagaleen xarunta Golaha Shacabka ee Muqdisho.

Taliyaha ayaa sidoo kale sheegay in ay jiraan ciidamo kale oo aan kamid ah kuwa Dowlada oo dhar cad ah islamarkaasina ay ku raadjoogaan.

Warar lagu kalsoonaan karo ayaa waxa ay sheegayaan in Ciidamadaasi looga yeeray xarunta Taliska Milatariga islamarkaasina ay yihiin ilaalada Gudoomiye Jawaari iyo Mahad Cawad.

Hoos ka Daawo Codka

http://puntlandpost.net/wp-content/uploads/2018/04/Taliye-Gorod-Caawa-PP.mp4

Xasan Maxamed Samatar Cowke

Puntland Post Muqdisho

The post Taliye Gorod ” Waan soo qabanay Ciidamadii Maanta hubka la galay Xarunta Baarlamaanka” appeared first on Puntland Post.