Wararkii ugu dambeeyay ee Kulanka Baarlamaanka ee Bari

[Deeq A.]

Maalinta Bari ah oo Arbaco ah ayaa lagu wadaa in Xildhibaanada Baarlamaanka Soomaaliya ay yeeshaan kulan xasaasi ah.

Kulankaasi ayaa lagu wadaa in Xildhibaanada ay codka kalsoonida ugu qaadaan Gudoomiye Jawaari oo mooshin laga soo gudbiyay.

Qabsoomida kulankaasi ayaa waxaa iclaamiyay xildhibaanada wada mooshinka Jawaari.

Xildhibaanada qaar ayaa ka digaya in kulankaasi uu sababo gacan ka hadal iyo buuq dhexmara Xildhibaanada Baarlamaanka Soomaaliya.

Dhanka kale waxaa Magaalada Muqdisho ee caasimada Soomaaliya ka socdo kulamo kala duwan oo ay leeyihiin xildhibaanada Baarlamaanka Soomaaliya.

Xildhibaanada ka soo horjeedo Mooshinka Jawaari ayaa sheegay in Madaxweynaha uu taageersanyahay Mooshinka Jawaari laga soo gudbiyay sida ay hadalka u dhigeen.

Lama sii saadilin karo xaalada iyo sida ay isku badali karto Qilaafaadkaan hareeyay Baarlamaanka.

Ciidamo gaar ah oo sugayo amaanka Baarlamaanka ayaa la geeyay Xarunta Golaha Shacabka ee Muqdisho.

Xasan Maxamed Samatar Cowke

Puntland Post Muqdisho

 

 

The post Wararkii ugu dambeeyay ee Kulanka Baarlamaanka ee Bari appeared first on Puntland Post.