Dowladda Uganda oo soo bandhigtay tirada Saraakiishii uga dhintay weerarkii Buula Mareer.

[Deeq A.]

Dowladda Uganda ayaa sheegtay in afar kamid ah saraakiisha ciidankooda lagu dilay weerar Alshabaab kusoo qaadeen oo ka dhacay gobolka Shabellada hoose.

Sida lagasoo xigtay afhayeenka ciidanka Milatariga Uganda, saraakiishaan ayaa qeyb ka ahaa howgalka Amisom, waxayna naftooda ku waayeen weerarkii degmada Buula Mareer ka dhacay.

Uganda ayaa sidoo kale sheegtay inay iyaguna dileen in ka badan 30 Shabaabkii weerarka soo qaaday. Waxaa kaloo ay sheegeen inay gacanta ku dhigeen hub iyo rasaas sidoo kalena ay burburiyeen sideed gaari oo ay labo kamid ah ay qaraxyo ku xirnaayeen.

Warbaahinta gudaha ayaa soo bandhigtay sawirro lagasoo qaaday goobtii uu weerarku dhacay halkaas oo lagu arkay maydad badan oo Shabaabku ka carareen iyo Saanad ciidan.

DAAWO SAWIRRADA.