Farmaajo oo Hambalyo u diray Ra’isilwasaaraha cusub ee Itoobiya

[Deeq A.]

Madaxweynaha Jamhuuriyada Federaalka ah ee Soomaaliya Mudane Maxamed Cabdullaahi Farmaajo ayaa qadka Taleefonka ugu hambalyeeyay Ra’isilwasaaraha cusub ee Itoobiya Abi Ahmed.

Ra’isilwasaare Abi Ayaa maanta oo isniin ah loo dhaariyay in uu noqdo Ra’isilwasaaraha dalka Itoobiya.

“Waxaan u xaqiijiyay inaan ka dhabeyno xiriirkeena labada dal si kor loogu qaado Ganacsiga,maalgashiga iyo in la xoojiyo Amniga Gobolka,waxaana shaki ku jirin in Ra’iisal wasaare Aby Ahmed xoojin doono wada shaqeynteena,”ayuu yiri Farmaajo

Baarlamaanka Dalka Itoobiya ayaa u doortay Dhowaan  Abi Ahmed in uu Noqdo Ra’isilwasaaraha Itoobiya.

Aabi uu ah 41 Sano Jir Muslim ah kana soo jeedo Qoomiyada ugu tirada badan ee Itoobiya ee la yiraahdo Oromada ayaa soo dhoweeyn kala kulmaya Madaxda Caalamka.

Xasan Maxamed Samatar Cowke

Puntland Post Muqdisho

The post Farmaajo oo Hambalyo u diray Ra’isilwasaaraha cusub ee Itoobiya appeared first on Puntland Post.