Qoys ka kooban 7 xubnood oo diyaarad ku xasuuqday duleedka Kismaayo.

[Deeq A.]

Ugu yaraan saddex ruux oo rayid ah ayaa ku dhintay,afar kalena waa ku dhaawacantay duqeyn diyaaradeed oo lagu qaaday degaanka Kaamjiroon ee duleedka magaalada Kismaayo,sida ay xaqiijiyeen goobjoogayaal.

Dhammaan dadka dhintay iyo kuwa dhaawacmay ayaa ka soo jeeda hal qoys oo gurigooda ay beegsatay diyaarad aan la ogayn halka laga leeyahay,sida ay sheegeen mas’uuliyiinta caafimaadka magaalada Kismaayo.

Iftiin Xassan Baasto oo ka tirsan Aqalka sare ee Baarlamanka Soomaaliya,kana soo jeeda gobolka jubada Hoose ayaa sheegay in dadka la xasuuqay ay ahaayeen qoys ka kooban 7 xubnood,wuxuuna ku baaqay in baaritaan rasmi ah lagu sameeyo cidda dhibaatadaas geysatay.

Wixii ka soo kordha kala soco:Puntlandpost

The post Qoys ka kooban 7 xubnood oo diyaarad ku xasuuqday duleedka Kismaayo. appeared first on Puntland Post.