Ciidanka PSF-ta Puntland oo dilay 4 kamid ah argigixisada Alshabab.

[Deeq A.]

Ciidanka Amniga Puntland (PSF) ayaa hawlgal dagaal oo qorshaysan oo ka dhan ah Al Shabaab ka fuliyay deegaanada Booj iyo Dhagax Dhaabur ee Buuraha Cal Madow.

Intii hawlgalkani socday waxay ciidanka PSF Al Shabaab ka dileen 4 xubnood, isla mar ahaantaana waxaa laga saaray Al Shabaab goobo ay halkaas kaga dhuumaalaysan jireen oo ay weeraro gaadmo ah kaga soo qaadi jireen ciidamada difaaca Puntland ee ku sugan difaacyada Buuraleyda Galgala iyo Sugure.

Ciidamada Amniga Puntland waxay sheegeen inay habeen iyo maalin ku hawlan yihiin sidii ay u xaqiijin lahaayeen amniga shacabkooda; waxayna ugu baaqeen shacabweynaha reer Puntland in ay garabsiiyaan ciidamadoo si kooxaha cadowga ah ay u waayaan goob ay ku nabad galaan.