Daawo: Imtixaanka Shahaadiga ah ee Puntland oo Wakhtigiisa laga beddelay.

[Deeq A.]

Wasaaradda Waxbarashada iyo Tacliinta sare ee dowladda Puntland ayaa maanta shaacisay wakhtiga loo fariisanayo Imtixaanka Shahaadiga ah ee sannad-dugsiyeedka 2017_2018.

Wasiirka Wasaaradda Waxbarashada iyo Tacliinta sare ee dowladda Puntland,Abshir Yuusuf Ciise oo maanta shir jaraa’id ku qabtay magaalada Garoowe, ayaa sheegay in Imtixaanka oo qorshihiisu ahaa in la qaado 19 bisha May 2018 ay haatan Wasaaraddu go’aamisay in laga soo hormariyo wakhtgiisa,islamarkaana loo fariisanayo 12 bisha May ee sannadkaan 2018.

Go’aankaan ayaa loo gaatay in loogu daneeyo arday reer Puntland ee ku sugan degaannada Xeebaha ah ee xiga badda Cas,halkaasoo kulayl aad u daran uu ka jiro xilliyadan oo kale,sida u sheegay Wasiir Abshir Yuusuf.

Imtixaanka Naqliga ah ayaa sidoo kale wakhtigiisa laga soo hormariyay,waxaana loo fariisanaya 28 bisha April 2018,isagoo ku eg 3 bisha May 2018,si ardaydu wakhti ku filan ugu helaan diyaarinta Imtixaanka Shahaadiga ah.

Dhinaca kale Sannad-dugsiyeedka 2018_2019 ayaa loo qorsheeyay in uu furmo 3 bisha August 2018,sida Wasiirku shaaciyay.

Halkaan ka daawo shirka jaraa’id ee Wasiirka.

Hoos ka eeg Warqadda 

PUNTLAND POST.

Cabdiraxmaan Ciise Cumar

 

The post Daawo: Imtixaanka Shahaadiga ah ee Puntland oo Wakhtigiisa laga beddelay. appeared first on Puntland Post.