shabaab oo sheegatay dilka Sarkaal katirsan Sirdoonka maamulka Puntland oo lagu dilay Boosaaso.

[Deeq A.]

Boosaaso-(Caasimadda Online)-Wararka naga soo gaaraya magaalada Boosaaso ee xarunta gobolka Bari ayaa waxay sheegayaan in rag ku hubeysan bistoolado ay bartamaha magaaladaasi ku dileen askari ka tirsan sirdoonka Puntland.

Dilkaan ayaa wuxuu ka dhacay Bartamaha Magaalada Boosaaso, kadib markii dabley hubaysan qaybaha sare ee jirka ay ka toogteen Shiine Maxamed oo ah Sarkaal ka tirsan ciidanka Puntland.

Sarkaalka la dilay ayaa la shaqeynaayay ciidanka Sirdoonka Puntland, waxaana masuuliyadda dilkiisa sheegtay Al Shabaab oo dilal qorsheysan ka gaysato Magaalada Boosaaso iyo deeganada Puntland.

mararbadan ayaa Boosaaso waxaa ka dhacay dilal noocaan oo kale ah iyo qaraxyo Shabaab iyo Daacish ay sheegteen masuuliyadooda.

Ciidamada Puntland oo gaaray halka uu dilkan ka dhacay ayaa weli wada howlgallo ay ku baadigoobayaan ragga falkaasi ka dambeeyay.

Ammaanka Boosaaso ayaa maalmihii ugu dambeeyay soo hagaagayey, iyadoo marar badan ay dilal sidan oo kale ah ka dhaceen.

Caasimada Online
Xafiiska Boosaaso
Caasimada@live.com