Qaraxyo khasaare geystay oo maalintii labaaad ka dhacay Muqdisho.

[Deeq A.]

Wararka uu Puntlandi ka helayo magaalada Muqdisho ee xarunta gobolka Banaadir, ayaa sheegaya in labo qarax ay ka dhaceen saakay, kuwaas oo ka kala dhacay  degmada Dayniile iyo laamiga Warshadaha, waxaana qaraxyadan ka dhashay khasaaro isugu jira dhimasho iyo dhaawac.

Sida aan wararka ku helnay, waxaa Qaraxa koowaad ku geeriyooday Cabdi Fitaax Bile Macalin oo masuul ka ahaa xaafad katirsan Deyniile iyo qof kale oo shacab ah, kadib markii gaari uu la socday lala eegtay Qarax miinada dhulka lagu aaso.

Qaraxan ayaa sidoo kale la sheegay in ay ku dhaawacmeen saddex qof oo kale oo labo kamid ah ahaayeen  ilaalada masuul la dilay.

Qaraxa labaad ayaa ka dhacay  Laamiga Warshadaha gaar ahaan meel ku dhaw Jaamacada Simad, qaraxan ayaa la sheegay in uu ka dhacay meel cidlo ah wax khasaaro ahna uusan geesan.

Qaraxyada ayaa maalmihii lasoo dhaafay kusoo badanayay magaalada Muqdisho, shalay ayeyna aheyd markii qarax ismiidaamin ah uu ka dhacay Isgooska Sayidka ee magaalada Muqdisho.

Puntlandi.com