Waddo laami ah oo isku xiraysa xarumaha dowladda Puntland ee Garowe iyo qeybaha kale ee magaalada oo dhismaheeda la bilaabay.

[Deeq A.]

Wasiirka Wasaaradda Maaliyadda Dawladda Puntland Cabdiqaadir Siciid Carshe Dhaqaaje ayaa kormeeray wado laami ah oo isku xiri doonta Wasaaraddaha dawladda iyo Qaybaha kale ee Magaalada Garoowe oo ay shaqadeedu socoto

Shaqadaan oo si toos ah u bilaamatay ayaa waxaa socda dhigista Carada, iyadoo ay ka hawal galayaan shaqaale kala duwan oo aqoon durugsan uleh dhisida dhanka wadooyinka

Cabdiqaadir Siciid Carshe Dhaqaaje Wasiirka Wasaaradda Maaliyadda Dawladda Puntland oo la hadlay Warbaahinta ayaa sheegay samaynta wadadan in ay fududayn doonto isu socodka shaqooyinka dawladda.

Inta badan Wasaaraddaha dawladda Puntland ayaa ah kuwo ka hawal gala dhanka Buurta waxayna wadadani ahayd mid ay gaadiidku dhibaatooyin kala duwan kala kulmi jireen adeegsigeeda.