(Dhagayso) + Sawirro:- 11 Caruur ah Oo Duleedka Gaalkacyo ay Miino kula Qaraxday

Deeq A. · March 21, 2018

Uguyaraan 11 Caruur ah ayaa ku dhaawacmay halka mid kamid ahna uu geeriyooday kadib markii walax loo malaynayay in ay ahayd Bam gacmeed oo ay Caruurtan ay ku ciyaarayeen ay ku Qaraxday xili ay ku sugnaayeen mid kamid ah kaamamka ku yaala duleedka Magaalada Gaalkacyo oo lagu Magacaabo kaam (Salaama labo).

Dadweyne aad ufarabadan ayaa dhiigooda u shubay caruutan ka dib marlii ay dhaqaatiirtu dalbatay in caruurtan lala soo gaaro dhiig ,si aysan dhiigbax ugu dhiman.

labo kamid ah Caruutan ayaa la sheegay in dhaawacooda uu aad uculusyahay sida ay dhaqaatiirta Warbaahinta ay u sheegeen.

Taliyaha Saldhiga dhex Axmed Maxamed Afrax Taraafiko oo Warbaahinta kulahadlay Magaalada Gaalkacyo ayaa sheegay in ay baaritaan ku samayn doonaan in bamkan uu ahaa mid meesha horay ugu aasnaa iyo inkale,waxa uu ka digay in Caruurta laga ilaaliyo goobaha ay kujiraan haradiga waxyaabaha Qarxa ee dhulka ku aasan.

Tan iyo wixii kadam beeyay bur burkii dowladdii dhex ee dalka Soomaaliya ,wadankana uu galay dagaalo sokeeye ayaa waxaa soo badanayay dadka ay waxyeelada ay ka soo gaarto haraadiga wax yaabaha Qarxa ee ku aasan dhulka hoostiisa iyo goobihii lagu dagaalamay taas oo laxaadkood ay ku waayeen Qaraxyada noocan oo kale ah dad badan oo Soomaaliyeed .

Halkan ka dhagayso Taliyaha iyo Agaasimaha Isbitalka Guud ee Magaalada Gaalkacyo Maxamed Xuseen oo faah faahinaya khasaarihii ka dhashay dhacdadan .

Taliyaha iyo Agaasimaha isbitaalka