(SAWIRRO) Beeldaaje Maxamed Beeldaaje Ismaaciil oo si balaaran loogusoo dhoweeyay magaalada Bosaso.

[Deeq A.]

Soo dhawayn balaaran ayaa magaalada Bosaso ee xarunta gobolka Bari loogu sameeyay Beeldaaje Maxamed Beeldaaje Ismaaciil Beeldaaje Cabdilaahi  Oo kamid ah Isimada Puntland.

Beeldaajaha waxaa soo dhoweeyay  masuuliyiin katirsan dowladda, Odayaasha Dhaqanka, Haweenka Dhalinyarada Culima’udiinka Aqoonyahanada iyo bahda waxbarashada.

Beeldaaje Maxamed Beldaaje Ismaaciil ayaa dhawaan loo caleemo saarayaa booskii Aabihii Eebe Ha u naxariiste isagona dalka Dibadisa waxbarasho ugu maqnaa sidoo kalena ah Isin da’yar dadkuna ku tilmaameen qof Si cadaalad ah garta u gooya, aqoona ku hogaminkara Bulshada.

Gudomiyaha gobalka Bari Yuusuf Maxamed Waceys Dhedo, ayaa Beldaaje Maxamed Beeldaaje Ismaaciil kula dardaarmay inuu tiir adag unoqdo shacabka, horumarkana uu ka qeyb qaato,

Caaqil Mursal Maxamuud Cabdi iyo Nabadoon Cabdiqadir Axmed Ibraahim Xaraga iyo wakiilka Boqorka Cabdicasiis Boqor Muuse waxay si wada Jir ah usoo dhaweyeen Beeldaaje Maxamed Beeldaaje Ismaciil.

Beldaaje Maxamed Beldaaje Ismaciil Beeldaaje Cabdilaahi ayaa Bulshada Bosaso uga mahadceliyay soo dhawaynta ay usameyeen. Beeldaajuhu waxa uu kamid noqondoonaa Isimada gobalka Bari waaxana lagula dardaarmay in beeshiisa kaliya uusan la shaqeninm balse uu noqdo mid Bulshada Soomaaliyeed Wax u qabta.

DAAWO SAWIRADDA :

Puntandi.com