Koox ku hubeysan bastoolado oo Nabaddoon caan ah ku dilay Muqdisho iyo Sababta

[Deeq A.]

Muqdisho-(Caasimadda Online)-Rag hubeysan ayaa goor dhaw magaalada Muqdisho ku toogtay Nabadoon Axmed Cabdulle Jimcaale oo ka mid ahaa Nabadoonnada siweyn looga garanayo guud ahaan gobolka Hiiraan.

Nabadoonka ayaa waxaa lagu dilay Xaafadda Taleex ee Degmada Hodan  xilli uu ka soo baxay gurigiisa waxaana toogtay rag hubaysan oo Bistoolado sida ay sheegeen dad goobjoogayaal ah.

Ciidamada ayaa howlgal ka wada Xaafadda Taleex Degmada Hodon ee Magaalada Muqdisho iyada oo dhallinyarada xaafaddaasi ay ka baqayaan howlgalka Ciidamada dowladda.

Muqdisho waxaa dhowr jeer ka dhacay dilal loo geysto Odayaasha iyo Askarta Dowladda waxaana AL-shabaab ay horay u sheegeen in ay dilayaan Odayaasha iyo dadka ku lugyeeshay doorashooyinkii dalka ka dhacay Sanadkii 2016kii.

Caasimada Online
Xafiiska Muqdisho
Caasimada@live.com

The post Koox ku hubeysan bastoolado oo Nabaddoon caan ah ku dilay Muqdisho iyo Sababta appeared first on Caasimada Online.