Faahfaahin ku saabsan Qarax miino oo ay ku dhinteen Ciidamo kenyan ah oo ka dhacay Gobolka Gedo

[Deeq A.]

Ceelwaaq (Caasimadda Online) – Qaraxaan ayaa ka dhacaya wadada isku xirta Ceelwaaq iyo Mandheere, kadib markii Miino lagu aasay Wadada uu dul maray mid kamid ah Gawaarida Ciidamada Kenya.

Wararka ayaa sheegaya in Khasaara dhimasho iyo mid dhaawac uu kasoo gaaray Ciidankii Kenya ee Gaariga Miinada ku qaraxday saarnaa.

Al-Shabaab oo sheegatay mas’uuliyadda Qaraxaan waxa ay sheegeen in afar askari oo kenyan ah in ay ku dileen, halka kuwo kalana ay ku dhaawaceen.

Qaraxa kadib Ciidamada Kenya ayaa rasaas ku riday Jihooyin kala duwan, iyagoona kolkii dambe dhulka usoo degay si ay u qaadaan Ciidamada waxyeelada ka gaartay, isla markaana ay jiitaan Gaarigii Qaraxa uu qabsaday.

Dadka deegaanka ayaa waxaa ay KNN u sheegeen in qaraxa miino ay ku dhinteen askar Kenyan ah kuwo kale na ay ku dhaawacmeen.

Ciidamada ayaa la tilmaamay in ay u socdaalayeen howlgal laga sameynayo qeybo kamid ah deegaanada maamulka Jubaland.

kadib Qaraxa  Ciidamada Kenya ayaa la sheegay in  rasaas u rideen  Jihooyin kala duwan, waxaana la tilmaamay in ay ku dhaaawacmeen dad goobta ka dhawaa.

Al-Shabaab oo sheegatay mas’uuliyadda Qaraxaan iyagoo sheegay  in afar askari oo kenyan ah in ay ku dileen, halka kuwo kalana ay ku dhaawaceen.

Ma jiro wax war ah oo kasoo baxay Dowladda Kenya oo ay kaga hadleyso Qaraxa maanta ciidamadooda ku qabsaday inta dhaxeyso Ceelwaaq iyo Mandheera.

Caasimada Online
Xafiiska Muqdisho
Caasimada@live.com

The post Faahfaahin ku saabsan Qarax miino oo ay ku dhinteen Ciidamo kenyan ah oo ka dhacay Gobolka Gedo appeared first on Caasimada Online.