Ciidamada Amniga Ee Gobolka Bari Oo Qarax Miino lagula eegtay Deegaanka Gal-gala Ee Gobolka Bari

[Deeq A.]

Gaar ay la socdeen Ciidamada Amniga ee gobolka Bari ayaa maanta Qarax miino waxaa lagula eegtay  jidka dheer  ee iskuxira Bosaaso iyo deegaanka  Gal-gala ee gobolka bari.

labo Askari oo ka tirsan Ciidamadii Qaraxa lala eegtay ayaa goobta ku dhintay , waxaana dhaawaca  Askartaasi loo soo qaaday Magaalada Bosaaso si loogu dabiibo .

Al-shabaab ayaa sheegatay Mas,uuliyada weerarkan , waxaana tiro ku dhowrjeer Qaraxyo Miino oo  noocan oo kale ah lala eegtay Ciidamo marayay deegaanka Gal -gala, halkaas oo ay Ciidamada Puntland  ay kula dagaalamaan kooxada Argagixisada ah ee Al-Shabaab .

Dhanka kale Askari ka tirsan  Ciidamada Amniga  ee gobolka Bari ayaa xalay lagu dilay bartamaha Suuqa Magaalada Bosaaso , waxaana ku dhaawacmay hal qof oo kale oo shacab ah.

lama oga sababta keentay dilkan Askarigan ka tirsanaa Ciidamada Amniga Bosaaso , Saraakiisha laamaha Amniga  ee gobolka bari oo aan xiriir la samaynay ayaa noo xaqiijiyay in ay wadaan baaritaan ku aadan dilka Askarigaasi .