Faahfaahin dagaal culus oo ka dhacay deegaanka laanta buuro ee G/Shabeelaha hoose.

[Deeq A.]

Laanta Buuro-(Caasimadda Online)-wararka laga helayo deegaanka laanta buuro ee Gobolka Shabeelaha Hoose ayaa sheegaya in halkaasi uu dagaal ku dhexmaray ciidamada Amisom iyo kuwa shabaab.

Dagaalka ayaa mid ay kooxda shabaab ay ku beegsatay saldhig ay ciidamadda amisom kuleeyihiin deegaanka laanta buuro.

Al-shabaab ayaa markii hore dagaal toos ah la galay ciidamada amisom ee saldhiga Laanta Buuro joogay  ka dibna waxaa bilowday hoobiyaal iyo hubka culus oo ay labada dhinac isweydaarsadeen sida dadka deegaanka inoo xaqiijiyeen.

inta uu socday dagaalka iyo sidoo kale madaafiicda ay isku tuureen labada dhinac ayaa waxaa ka dhashay khasaaro dhimasho iyo dhaawac ah oo soo gaaray dhinacyada dagaalamay iyo dadka shacabka ah ee ka ag dhaw halka lagu dagaalamay ee deegaanka Laanta Buuro inkastoo aan la xaqiijin qasaaraha inta uu gaarsiisanyahay.

maamulka Gobolka Sh/Hoose iyo Saraakiisha Ciidamada dowladda ee gobolka Sh/Hoose ayaan wali kahadlin dagaalkaan iyo qasaarahu uu gaystay.

Caasimada Online
Xafiiska Muqdisho
Caasimada@live.com

The post Faahfaahin dagaal culus oo ka dhacay deegaanka laanta buuro ee G/Shabeelaha hoose. appeared first on Caasimada Online.