( Sawirro)Madaxweynaha Dawladda Puntland oo Xadhiga ka Jaray Dugsiga Sare ee Al-Xikmah ee Magalada Garoowe

[Deeq A.]

Madaxweynaha Dowladda Puntland Dr.Cabdiwali Maxamed Cali Gaas ayaa maantay xariga ka jaray Schoolka sare ee Alxigma oo laga dhisay Magaalada Garoowe ee Caasimadda Puntland.

Munaasabadda ayaa sidookale waxaa kasoo qaybgalay Masuuliyiinta Wasaaradda Waxbarashada iyo Tacliinta sare ee Puntland,Suldaan Siciid Maxamed Garaase,Maamulka Schoolka,Waalidiin iyo arday.

Schoolka Sare Alxigma ee Maantay Xariga laga Jaray ayaa ka kooban 12 Fasal,Qolka Macalimiinta,Qolka Maamulka,Qolka Caafimaadka,Qol gabdhaha u gaar ah,Meherad iyo Masjid,waxaana ka howlgala 66 qof oo isugu jira Macalimiin, Maamul  iyo Shaqaale.

Lacagta ku baxday Dhismaha Schoolkaan  oo ah mashruucii School ugu weynaa ee laga Fuliyo Puntland ayaa waxaa bixisay dowladda Joordan waxaana fulisay Hay,adda Relief  Intertional.

Maamulaha Schooladda Alxigma Jaamac Siciid Ciise ayaa u mahad celiyey hay,adda Relief iyo dowladda Joordan oo maalgalisay dhismaha Schoolkaan.

Wasiirka Wasaaradda Waxbarashadda iyo Tacliinta sare Abshir Aw Yuusuf  Ciise ayaa bogaadiyey dhismaha schoolkaan isagoo sheegay inuu muhiim u yahay ardayda Puntland.

Madaxweynaha Dawladda Puntland oo hadal kooban ka jeediyey munaasibadii xadhigjarka ayaa tilmaamay sida loogu baahan yahay in kor looqaado aqoonta jiilka soo koraya isagoona madaxweynubhu sheegay.

Ugu danbayn, Madaxweynaha Dawladda Puntland Dr. Cabdiweli Maxamed Cali Gaas ayaa shacabka reer Puntland ugu baaqay in laga wada qayb qaato horumarka iyo halganka Puntland lagu gaadhsiinayo dawladdaha hore umaray gaar ahaana kor uqaadida waxbarshada Puntland oo dawladda Puntland xooga saari doonto inay ahaato waxbarashadu mid hore umarsan.

Sawirro.

Puntlandi.com