Ciidanka amniga Puntland oo gacanta kusoo dhigay qaar kamid ah Shabaabkii baxsaday.

[Deeq A.]

Garowe (Puntlandi) Ciidanka amniga Puntland ayaa wararku sheegayaan inay soo qabteen saddex kamid ah Maxabiistii Shabaabka ahaa ee la sheegay inay habeen hore ka baxsadeen goob lagu dhaqan celinayay oo kutaala magaalada Garowe.

Sarkaal katirsan laamaha amniga gobolka Nugaal ayaa goor dhowayd u xaqiijiyay warsidaha Puntlandi, waxaana uu intaas ku daray inay ciidanku ku raad joogaan kuwa kale oo iyagana loo maleynayo inay magaalada bannaanka uga baxeen

Dowladdu weli si rasmi ah ugama hadlin arrintaan maxaabiista baxsatay ku saabsan, walow qaar kamid ah saraakiisha amnigu sheegeen inuu socdo baaritaan arrintana ku saabsan.

Dhinaca kale, Cabdifitaax Mohamed  Sugulle oo ah ganacsade, ayaa iska fogeeyay warar laga faafiyay oo ku saabsana inuu isagu ahaa masuulka gacanta ku hayay maxaabiistaan Shabaabka ah, wuxuuna sheegay in xad gudub loo geystay magaciisa iyo amnigiisa.

Puntlandi.com