Madaxweyne Gaas oo Agaasime guud u magacaabay Wasaaradda Shaqada iyo Shaqaalaha.

[Deeq A.]

Digreeto ka soo baxday Xafiiska Madaxweynaha Dowladda Puntland,Cabdiweli Maxamed Cali Gaas ayaa lagu magacaabay Agaasimaha Guud ee Wasaaradda Shaqada, Shaqaalaha, Dhalinyarada iyo Ciyaaraha Dowladda Puntland.

Madaxweyne,Cabdiweli Gaas ayaa Agaasimaha guud ee Wasaaradda Shaqada, Shaqaalaha, Dhalinyarada iyo Ciyaaraha dowladda Puntland u magacaabay,Axmed Maxamuud Cabdalle (Tigaana) oo horay u ahaa Agaasimaha Dhalinyarada iyo Ciyaaraha ee Wasaaraddaasi.

Halkaan ka akhriso digreetada.

Madaxweynaha Dawladda Puntland oo Magacaabay Agaasimaha Guud ee Wasaaradda Shaqada, Shaqaalaha, Dhalinyarada iyo Ciyaaraha Dawladda Puntland.

Madaxweynaha Dawladda Puntland Dr. Cabdiweli Maxamed Cali Gaas ayaa maanta oo ay taariikhdu tahay 26 February 2018 xafiiskiisa kasoo saaray wareegtu lagu magacaabay Agaasimaha Guud ee Wasaaradda Shaqada, Shaqaalaha, Dhalinyarada iyo Ciyaaraha Dawladda Puntland.

Xeer Madaxweyne Lr. 27. February 26, 2018, kuna saabsan magacaabid Agaasimaha Guud ee Wasaaradda Shaqada, shaqaalaha, Dhalinyarada iyo Cayaaraha Dawladda Puntland.
Madaxweynaha Dawladda Puntland.

Markuu arkay: Dastuurka dawladda Puntland.

Markuu Qiimeeyey: Aqoontiisa iyo Khibradiisa Shaqo.

Markuu Tixgeliyey: Tala soo Jeedinta Wasiirka Wasaaradda Shaqada, Shaqaalaha, Dhalinyarada iyo Ciyaaraha Dawladda Puntland.

1. Waxaa Axmed Maxamuud Cabdalle (Tigaana) loo magacaabay Agaasimaha Guud Ee Wasaaradda Shaqada, shaqaalaha, Dhalinyarada iyo Ciyaaraha Dawladda Puntland.

2. Xeerkani wuxuu dhaqan gelayaa markuu Madaxweynuhu saxeexo, wuuna saxeexay Madaxweynuhu.

=DHAMMAAD=
XAFIISKA WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

 

 

The post Madaxweyne Gaas oo Agaasime guud u magacaabay Wasaaradda Shaqada iyo Shaqaalaha. appeared first on Puntland Post.