(Sawirro) Gudoomiyaha Waxbarashada Gobalka Nugaal oo xilka la wareegay

[Deeq A.]

Munaasabadaan ay  xilalka kula wareegayeen gudoomiyihii hore ee waxbarashada Gobalka Nugaal iyo Gudoomiyaha Cusub ayaa waxaa ay maantay ka dhacday xarunta gudoonka waxbarashada gobalka Nugaal ee Magaalada Garoowe.

Munaasabadaan ayaa waxaa goob ka agaasimaha Guud ee Wasaaradda waxbarashada iyo Tacliinta sare ee Puntland Maxamed Cali Faarax,Gudoonka waxbarashada ee gobalka Macalimiin,Maamulayaal iyo Arday.

Xaashi Xuseen Faarax Gudoomiyihii hore ee Waxbarashada Gobalka Nugaal ayaa ka warbixiyey waxyaabihuu u qabsoomay mudadii uu xafiiska joogay,isagoona si rasmi ah xilka ugu wareejiyey gudoomiyaha cusub.

Gudoomiyaha Cusub ee Waxbarashada Gobalka Nugaal Cabdisamad shiikh Xaamud oo isna munaasabadda ka hadlay ayaa ka codsaday bahda waxbarashada gobalku inay la shaqeeyaan waxaana uu balan qaaday in waxbarashada gobalka uu gaarsiin doono heer caalami ah.

Agaasimaha Guud ee Wasaaradda Waxbarashada iyo Tacliinta Sare ee Puntland Maxamed Cali Faarax ayaa bogaadiyey waxqabadka uu soo bandhigay gudoomiyihii hore isagoona gudoomiyaha cusub kula dardaaramay inuu xilka loo igmaday uu si daacad ah u guto.

Daawo Sawirro.

Puntlandi.com