Qarax goor-dhaw ka dhacay agagaarka Madaxtooyada Somalia iyo Rasaas la maqlayo

[Deeq A.]

Muqdisho (PP) ─ Waxaa goor-dhaw uu Qarax ka dhacay Madaxtooyada Somalia agagaarkeeda, halkaasoo laga maqayo rasaas dhacaysa, waxaana cabsi xooggan laga dareemayaan agagaarka madaxtooyada Soomaaliya.

Qaraxan ayaan la ogeyn khasaaraha uu geystay, waxaana weli socota rasaas kala duwan, waxaana xiran goobta uu qaraxan ka dhacay, waxaana goobta oo dhan ku sugan ciidammo fara badan oo kuwa Dowladda za tirsan.

Sidoo kale, waxaa jira warar kale oo sheegaya in Qarax labaad uu isla caawa ka dhacay agagaarka xarunta Wasaaradda Amniga oo ku dhaw Hotel Jubba ee Muqdisho, inkastoo aan la ogeyn khasaaraha uu geystay qaraxan.

Inta badan waddooyinka ku dhaw Madaxtooyada ayaa la xiray, iyadoo aanay jirin cid sheegatay mas’uuliyadda qaraxyadan caawa dhacay, laakiinse inta badan qaraxyada ka dhaca Muqdisho waxaa sheegata Al-shbaaab.

Dhanka kale, Qaraxan ayaa imaanaya iyadoo shalay uu Wasiirka Amniga uu shalay sheegay in Muqdisho ay ka jiraan Qaraxyo, isla markaana laga baqdin qabo inay waxyeello geystaan.

Ugu dambeyn, Wixii faahfaahin ah ee kasoo kordha Qarxyadan Muqdisho ka dhacay caawa waxaad kula socon doontaan wararka soo socda ee Puntlandpost.com

PUNTLAND POST

The post Qarax goor-dhaw ka dhacay agagaarka Madaxtooyada Somalia iyo Rasaas la maqlayo appeared first on Puntland Post.