Ciidanka PSF oo dilay dhagar qabayaal katirsan argigixisada kuwa kalena gacanta ku dhigay.

[Deeq A.]

Ciidanka Amniga Puntland (PSF) waxay maanta 20 February, 2018 hawlgal dagaal oo qorshaysan oo ka dhan ah cadowga Al Shabaab ka fuliyeen Buuraleyda deegaanada Dhadhaabo iyo Ceeldibir ee Buuraha Cal Madow,Puntland, Soomaaliya.

Intii hawlgalkani socday, waxay ciidanka PSF dileen 3 xubnood oo ka tirsan cadowga Al Shabaab , tiro kale oo intaa ka badana waxay gaarsiiyeen dhaawacyo.

Dhanka kale, ciidanka PSF waxay gacanta ku soo dhigeen 2 maxbuus oo ka tirsan ururka argagixisada Al Shabaab, kuwaas oo loo gudbiyey xabsiyada magaalada Bosaso.

Ciidanka PSF way sii wadi doonaan hawlgallada joogtada ah ee ay kaga hortagayaan falalka argagixisanimo ee kooxaha cadowga ah ee damacoodu yahay in ay geystaan falal argagixisanimo oo ka dhan ah shacabka iyo dawladda Puntland.