Wasiirka caafimaadka Puntland oo dhagax dhigtay xarunta tababarka shaqaalaha ee Puntland.

[Deeq A.]

Garowe (Puntlandi) Wasiirka caafimaadka dowladda Puntland. Dr. Cabdinaasir Cuuke, ayaa maanta dhagax xarunta tababarka shaqaalaha Puntland, taasoo noqondoonta xaruntii ugu horeysay ee lagu tababaridoona shaqaalaha caafimaadka iyo dhammaan shaqaalaha kale.

Xaruntaan cusub ayaa laga dhex dhisayaa gudaha dhismaha wasaaradda caafimaadka, waxaana wasiirka dhaga dhiga ku wehliyay agaasimaha guud ee wasaaradda , Dr. Cabdirisaaq Xirsi Xasan, agaasimaha waaxda caafimaadka aas aasiga ah, Cabdirisaaq Xirsi Xasan iyo masuul kale.

Wasiirka caafimaadka Dr. Cuuke, ayaa sheegay xaruntaan cusub in looga bixidoono baahiyihii badan oo loo qabay goob u gaar ah tababar shaqaalaha. Waxaa uu sheegay wasaaraddu caafimaad inay halkaan ku qabandoonto tababarada wasaaraddu siiso shaqaalaha caafimaadka.

Dhismaha xaruntaan waxaa iska kaashanaya wasaaradda caafimaadka iyo hay’adda GIZ ee fahdhigeedu yahay dalka Germany, waxaana ay qeyb ka tahay mashruuca kor u qaadista caafimaadka hooyada iyo dhallaanka iyo horumarinta nafaqaynta Soomaaliya, kaasoo ay maalgalinayso dowladda Germany.

Puntlandi.com