C/weli Gaas “Annaga dadka shacabka ah warkooda kuma shaqeyno”

[Deeq A.]

Garoowe (Caasimada Online)-Madaxweynaha maamulka Puntland, C/weli Cali Gaas ayaa si kulul ugu fal celiyay eedeymo loo jeediyay iyo baaq mudanayaal ka tirsan baarlamaanka Puntland ay ku dalbanayeen in Puntland u baahan tahay isbadal kow ka yahay in gacanta Puntland lagu soo celiyo Tukaraq.

C/weli Gaas oo garoonka Garowe kula hadlayay warbaahinta xili uu kasoo laabtay magaalada Muqdisho, ayaa wuxuu sheegay in xukuumaddiisa aysan ku shaqeyn hadalka shacabka.

“Dastuurka Puntland ayaa na-faraya in dalka la difaaco, annagana dadka shacabka ah warkiisa kuma shaqeyno, dowladuna kuma shaqeyso.” ayuu si carro ku jirto u yiri C/weli Gaas.

Hadalka kulul ee C/weli Gaas ayaa kusoo beegmay xili mudane ka tirsan baarlamaanka Puntland oo kasoo jeeda gobolada Sool iyo Sanaag uu ku eedeeyay Gaas inuu ka gaabiyay wax ka qabashada xaalada Tukara, isla markaana uu iska safro xili walbo oo xaalada Puntland kacsan tahay, wuxuuna mudanahasi ku baaqay isbadal ka dhaca Puntland.

Caasimada Online
Xafiiska Garoowe
Caasimada@live.com 

The post C/weli Gaas “Annaga dadka shacabka ah warkooda kuma shaqeyno” appeared first on Caasimada Online.