Xildhibaan Mahad Salaad oo weerar ku qaaday Wasiirka Maaliyadda “Wasiirku waa inuu raaligelin bixiyaa..”

[Deeq A.]

Muqdisho (Caasimadda Online) – Xildhibaan Mahad Maxamed Salaad ayaa weerar ku qaaday Wasiirka Maaliyadda xukuumadda Soomaaliya, isagoo sheegay hadal kasoo yeeray inuusan ahayn mid mas’uulk dowladeed ku hadlo.

“Waa wax aad looga xumaado hadalka kasoo yeeray Wasiirka Maaliyada ee ah: in Ganacsatada reer Muqdisho haddii aysan bixinayn lacagta lagu soo rogay ay badeecadooda kala soo dagaan Dekadda Kismaayo. Hadalkaasi ma ahan hadal qof mas’uul dowladeed ah uu ku hadlo, waana in Wasiirku raali gelin ka bixiyaa..” ayuu yiri Xildhibaanka oo ka mida mucaaradka dowladda uu hoggaamiyo Ra’iisal wasaare Xasan Cali Kheyre.

Xildhibaan Mahad Salaad ayaa uga digey Wasaarada Maaliyada inay qaado lacago baad ah oo aan waafaqsanayn nidaamka maaliyadeed ee dalka u yaala, sida uu yiri, isagoo ku dooday inuusan diidaneyn in dowladu canshuur qaado laakin canshuurtu ay leedahay sharciyad lagu qaado.

Caasimada Online
Xafiiska Muqdisho
Caasimada@live.com

The post Xildhibaan Mahad Salaad oo weerar ku qaaday Wasiirka Maaliyadda “Wasiirku waa inuu raaligelin bixiyaa..” appeared first on Caasimada Online.