Nin Ka tirsanaa Kooxda Al-shabaab oo miino uu aasayay ku Qaraxday (Sawirro)

Deeq A. · February 6, 2018

Baladweyn-(Caasimadda Online)-Wararka ka imaanaya Magaalada Baladweyn ee Xaruunta Gobolka Hiiraan ee Bartamaha Dalka ayaa sheegaya in xalay ka dhacay Qarax Miino,kaas oo mas’uuliyiinta Gobolka ay ku sheegeen in uu ahaa qarax qabsaday qofkii aasayay.

Gudoomiyaha Gobolka Hiiraan Cali Jeyte Cismaan oo uu wehlinayay Taliyaha Ciidamada Nabad-Sugida Gobolka Hiiraan Cabduqaadir Maxamuud ayaa saakay Baladweyne waxa ay Warbaahinta ugu soo bandhigeen meydka nin dhalinyaro ah oo ku dhintay qarax miino oo uu ku aasayay wadada isku xirta Garoonka diyaaradaha Ugaas khaalif & M/Baladweyne.

Guddoomiyaha ayaa ugu baaqay dadka degaanka in ay kala shaqeeyaan maamulka xaqiijinta amniga Magaalada Beledweyne.

Sidoo kale waxa uu ugu baaqay Ciidamada Amniga in ay tallaabo ka qaadaan cidkasta oo lala xiriirinayo in ay ku lug leedahay falal lidi ku ah amniga.

9-3.jpg?resize=696%2C399&ssl=1 2-24.jpg?resize=696%2C464&ssl=1 1-24.jpg?resize=691%2C461&ssl=1 9-3.jpg?resize=696%2C464&ssl=1 4-18.jpg?resize=696%2C464&ssl=1