Daawo: Militariga Somaliland oo ku dhawaaqay in ay soo gudbayan Yoocada.

[Deeq A.]

Taliyaha Militariga Somaliland,Gen. Nuux Ismaaciil Taani ayaa sheegay in militariga Somaliland inta badan uu qabsaday degaannada Sool iyo Sanaag,balse weli ay u hartay in ay soo taabtaan Xadkii ay ku taamiyeen ee Yoocada.

Gen. Taani oo maanta hadal ka jeediyey Xuska Sannad-guurada 24 aad ee Ciidamada Somaliland ayaa sheegay in sannadkii 1997-dii ay aanu jirin ciidan Somalilan oo dhaafsan magaalada Burco ee gobolka Togdheer,halka maanta militariga Somaliland ku suganyahay degaanka Tukaraq oo u dhexeeya Garoowe iyo Laascaanood.

Taliyaha ayaa sheegay in ay haatan ay u sii gudbayaan dhinaca Yoocada ee ay Somaliland sheegato in Xadkeedu ku egyahay,wuxuuna ku hanjabay in ay yoocada imaan doonaan ,iyagoo gudanaya waajib Dastuuri ah oo saaran,sida uu hadalka u dhigay.

Halkaan ka daawo Gen.Taani

PUNTLAND POST

The post Daawo: Militariga Somaliland oo ku dhawaaqay in ay soo gudbayan Yoocada. appeared first on Puntland Post.