Ciidanka difaaca Puntland oo howlgal ka sameeyay jiida hore ee Tukarq

[Deeq A.]

Guuto uu hogaaminayo Faysal Falaalug kana tirsan Ciidamada difaaca Puntland ayaa saaka Aroortii Weerar ku qaaday Fariisimo ay maleyshiyada maamulka Somaliland ku lahaayeen meel u dhaxysa God-qaboobe iyo Boocame oo ka tirsan Gobolka Sool.

Dadka degaanka waxa ay sheegeen inay maqlayaan Hub culculus oo ay labad dhinac is-waydaarsanayaan.

Lamana oga Khasaaraha Rasmiga ah ee ka dhashay weerarkaasi walow weli ay dhacayayaan Hub ay labada dhinac iswaydaarsanayaan.

Inkastoo aysan dowladda Puntland weli toos ah u bilaabin howgalka xoraynta, ayaa hadana  howgalkaan wuxuu ahaa mid jawaab u ah maleyshiyo maamulka Hargeysa oo shalay  gudaha u galay degmada Boocame inlastoo saacad kadib ay si baxsad ah ugasoo carareen.

la soco wixii soo kordha.