Ciidamadii Ahlusuna ee kujiray xerada 21aad oo lagu wareejiyay Dowladda (Sawiro)

Deeq A. · January 18, 2018

Dhuusamareeb-(Caasimadda Online)-Madaxweynaha Dowladda Federaalka Soomaaliya Maxamed Cabdulaahi Maxamed Farmaajo ,Madaxa Golaha wasiirrada Galmudug iyo Taliyaha Ciidanka Xoogga Dalka ayaa maanta booqday xerada 21aad ee Ciidanka Xoogga Dalka ee ku taal duleedka Magaalada Dhuusamareeb ee xarunta maamulka Galmudug.

Ciidanka ku jira Xereda 21aad waxaa ay hoostagaan Maamulka Ahlu Sunna Waljamaaca waxaana Ma`uuliyiintii Maanta booqatay xeradaas ay sheegeen in wixii xiligaan ka danbeeya ay ka mid noqon doonaan Ciidamada Xoogga Dalka Soomaaliyeed.

Taliyaha Ciidanka xoogga Dalka Jen. Gorod ayaa sheegay in Ciidamadan ay la wareegtay Dowladda Soomaaliya islamarkaana ay mushaarka iyo tasiilaadkooda kaleba bixin doonto dowladda Federaalka ah ee Soomaaliya.

Madaxweynaha Dowlada Fedraalka Soomaaliya Maxamed Cabdulaahi Farmaajo oo isna goobta ka hadlay ayaa sheegay in Ciidamadan ay ka mid noqon doonaan Ciidamada Dowladda Soomaaliya,sidoo kalena dib u dhis lagu sameynayo Xerada Ciidamada Xoogga Dalka ee 21aad kuna taal Magaalada Dhuusamareeb ee Gobolka Galgaduud.

26904231_1278305165633799_82070422018650 26734483_1278303618967287_53373125025134 26734052_1278305838967065_46758697601335 26904702_1278305918967057_74300597919303 26239702_1278304995633816_53412985080120 Farmaajo-2-4-640x427.jpg?resize=640%2C42 Farmaajo-1-4.jpg?resize=696%2C464&ssl=1