(SAWIRRO) Shirweynihii 4-aad ee dib u eeegista waxbarashada Puntland oo Garowe ka furmay.

[Deeq A.]

Shirweynaha 4aad ee dib u eegista waxbarashada Puntland ayaa maanta ka furmay magaalada Garowe waxaana ka qeybgalay wafuud ka socota Dowladda Federalka Soomaaliya, Maamulladda dalka, Hay,addaha bahwadaagta la ah Wasaaradda iyo Madaxweyne kuxigeenka Puntland oo daahfurtey shirka.

Agaasimaha Wasaaradda Waxbarashada iyo Tacliinta sare ee Puntland Maxamed Cabdulqaadir Cismaan oo ugu horayn shirka ka hadlay ayaa sheegay sannadkii tagay ee 2017 inay wasaaradda waxbarashadu guulo muhiim ah ka gaartay horumarinta tacliinta, guulahaas oo u sheegay inay kamid yihiin, dajinta qorshaha waxbarashada 2017/2021. kor uqaadida korarka waxbarashada, dib u eegista siyaadaha waxbarashada iyo arrimo kale oo muhiim ah.

Sidoo kale waxaa ka mid ahaa dadka madasha ka hadlay Agaasimaha guud ee Wasaaradda Waxbarashada Dowladda Federalka Soomaaliya Xasan Maxamed Cali oo sheegay inay wada shaqeyn dhaw la wadaagaan Wasaaradaha Waxbarashada Maamulladda ka jra dalka, Isagoona carabka ku dhuftey inay ku mideysan yihiin imtixaanka shahaadiga ee fasalka 4aad ee dugsiga sare marka laga reebo Puntland iyo Somaliland.

Wasiirka Wasaaradda Waxbarashada iyo Tacliinta sarre Prof Abshir Awyuusuf Ciise ayaa sheegay in sanadkii tagey 2017 Wasaaradiisu dardar galisay %60 qodobadii kasoo baxay shiweynihii 3aad , Islamarkaana inta ka dhiman sanadka 2018 ay rajaynayaan inay dhamaystiraan.

Madaxweyne ku xigeenka Dawladda Puntland  Eng. Cabdixakiin Xaaji Cabdillaahi Cumar Camey ayaa khudbad muhiim ah ka jeediyay shirka wuxuuna wasaaradda Waxbarashada ku ammaanay sida ay u gudanayso waajibaadka ka saaran horumarinta iyo tayaynta waxbarashada Puntland.

Ugu danbayn , Madaxweyne ku xigeenka ayaa Qaramada Midoobay iyo xubnaha kale ee beesha calamka ku adkeeyey inay sii xoojiyaan taageerada ay Dawladda Puntland ka siiyaan tayaynta dhinaca waxbarashada, iyadoo isbeddel baaxad leh laga dareemayo waxbarashada Puntland.