Ilaalada Madaxweynaha oo gaaray Dhuusamareeb & Madaxda Maamul Goboleedyada oo ku sii jeeda

[Deeq A.]

Dhuusamareeb (Caasimadda Online) – Ilaalada madaxweynaha Soomaaliya ayaa gaaray magaalada Dhuusamareeb ee xarunta maamulka Galmudug iyadoo hordhac u ah wafdiga madaxweynaha oo ku sii jeeda maanta halkaasi.

Ilaalada ayaa lagu hor istaagay degaanka Godinlabe markii maleeshiyo beeleed ay u diiday inay u gudbaan dhinaca Dhuusamareeb, laakiin waxaa markii dambe la xaliyay arrintan, iyadoo ilaalada ay gaareen iminka magaalada.

Dhinaca kale iyadoo madaxweynaha Maxamed C/llaahi Farmaajo laga sugayo magaalada ayaa waxaa iyana ku si jeeda Dhuusamareeb madaxda maamul goboleedyada dalka oo dhammaantood la filayo inay ka qeyb galaan munaasabadda midowga Galmudug iyo Ahlu suna.

Ammaanka magaalada ayaa si weyn loo adkeeyay, waxaana ku wada sugan ciidamada Ahlu suna, kuwa AMISOM iyo ilaalada madaxweynaha Soomaaliya, waxayna la ciirciireysaa dadkii ugu badnaa ee u martiya.

Caasimada Online
Xafiiska Muqdisho
Caasimada@live.com

The post Ilaalada Madaxweynaha oo gaaray Dhuusamareeb & Madaxda Maamul Goboleedyada oo ku sii jeeda appeared first on Caasimada Online.