(SAWIRRO) Agaasimaha hay’adda socdaalka Soomaaliya oo kormeeray kastamka Tuurdibi, bogaadina ujeediyay dowladda Puntland

[Deeq A.]

Agaasimaha guud ee Hay’adda socdaalka iyo jinsiyadaha dowladda federalka Soomaaliya, G/sare Koofi ayaa booqdey isla markaana kormeer ku sameeyey kastamkaTuurdibi oo ka tirsan degmada galdogob ee gobolka Mudug.

Agaasimaha ayaa halkaas kula kulmey gudoomiyaha degmada Galgodob, taliyaha booliiska degmada, wasiir kuxigeenka arimaha gudaha dowladda Puntlanda iyo xildhibaano,.

Wuxuu ka dhageystey warbixino khuseeya xadka Soomaaliya iyo Ethiopia ee ku beegan degmada Galdogob. Sidoo kale agaasimaha ayaa kormeerey dhisme dhowaan laga hirgeliyey Turdibi kaas oo loogu talagaley in ay ku shaqeeyaan saraakiisha socdaalka iyo kuwa canshuuraha.

Agaasime Koofi ayaa uga mahad celiyay dowladda Puntland  sida ay isugu xilqaasey in ay Kastamka Tuuridibi ku dhameystiraan dhammaan adeegyada lagama maarmaanka u ah bar-xuduudeedka.