Farmaajo oo maanta ku wajahan magaalada Garoowe & Amaanka oo aad loo adkeeyay

[Deeq A.]

Muqdisho (Caasimad Online)-Madaxweynaha JFS Maxamed Cabdullahi Farmaajo ayaa lagu wadaa in maanta uu u socdaalo Magaalada Garowe ee xarunta Maamulka Puntland.

Madaxweyne Farmaajo ayaa waxaa wehlin doona Wasiiro iyo Xildhibaano ka tirsan labada Gole, waxaana lasoo warinayaa in magaalada Garoowe ay ka socto diyaar garow.

Madaxweynaha ayaa la xaqiijiyay in safarkiisa uu ku qotomo labo ujeeddo oo kala ah in uu xarigga ka jaro Garoonka cusub ee Diyaaradaha Garoowe oo dhismahiisa la dhameeyay iyo in uu Magaalada Garoowe uga qaaybgalo munaasibadda 4 sano guurada xilka Hogaamiyaha Puntland  C/wali Gaas.

Safarka Madaxweynaha ee magaalada Garoowe ayaa noqonaaya kii ugu horeeyay ee uu ku tago magaalada Garoowe ee xarunta maamulka Puntland.

Ciidamo farabadan ayaa la tubay dhammaan waddooyinka magaalada Garoowe waxaana aad loo adkeeyay amniga.

Dhinaca kale, Safarka Madaxweynaha oo ahaa maalinta beri ayaa waxaa iminka lasoo sheegayaa in lasoo hormariyay, waa haddii aanu dhicin sabab kale oo uu ku dib dhaco.

Caasimada Online

Xafiiska Muqdisho

Caasimada@live.com

The post Farmaajo oo maanta ku wajahan magaalada Garoowe & Amaanka oo aad loo adkeeyay appeared first on Caasimada Online.