(SAWIRRO) Madaxweyne ku xigeenka dowladda Puntland iyo kumanaan shacab ah oo Garowe kusoo dhoweeyay xulka kubada cagta Puntland.

[Deeq A.]

Xulka Kubada Puntland ayaa si wayn loogu soo dhaweeyay Magaaladda Caasimada ah ee Garowe, ka dib markii uu soo dhamaaday koobkii maamul goboleedyada oo ka socday Magaalada  Mugdisho oo ay Xulka Puntland galeen kaalinta 2aad ee tartanka

Soo dhaweenta ayaa waxaa qayb ka ahaa Madaxwayne ku Xigeenka Dawladda Puntland Md Eng Cabdixakiiim Cumar Camey, Wasiirka Shaqada iyo shaqaalaha Md Cabdirahman Shiekh, Wasiirka Dastuurka, Wasiir Ku Xigeenka Maaliyadda , Wasiir ku xigeenka Kulluumaysiga, Xog-haya Guud ee Wasaarada Maaliyadda iyo Xubno ganacsata ah iyo Bulsha waynta guud ee reer Puntland ee ku nool Caasimada Puntland.

Soo dhaween iyo marxabeen ka dib, ayaa Ciyaartooyda qaranka lugu soo dhaweeyay Barxadda Garowe ayadoo ay salaan la dhax mareen dadwaunihii soo dhaweeyay.

Axmed Jawle oo ka mid ah ganacstada hiilka la garab taagan ayaa waxaa uu ka mid ahaa dadkii ku bixiyay taageero aad u baaxad leh, asagoo u qorsheeyay Gawaari bas ah oo lugu soo qaday ciyaartooyda ka dibna loo galbiyay Guri uu ganacsaduhu ku leeyahay Magaaladda Garowe si ay ugu nastaan ayagoo loogu sameeyay qado sharaf.

Dareenka Xulka qaranka Puntland ayaa waxaa uu ahaa mid heer sare ah oo ay wajiyadooda ka muuqatay farxad aad u wayn.

Puntlandi.com