BREAKING NEWS:- Dowladdaha xubnaha ka ah DFS oo xiriirkii u jaray kooxda xiriirka kubada cagta Soomaaliyeed kuna baaqay in la dhiso xiriir waafaqsan nidaamka federalka

[Deeq A.]

Muqdisho (Puntlandi) Dowladdaha xubnaha dowladda federalka, gaar ahaan wasaaraddahooda dhalinyarada iyo ciyaaraha ayaa maanta magaalada Muqdisho kasoo saaray go’aan xiriirka loogiu jaray kooxda xiriirka kubada cagta Soomaaliyeed.

Warsaxaafadeed kasoo baxay wasaaraddahaan ayaa lagu sheegay tan iyo burburkii kadib, in xiriirka kubada cagta Soomaaliyeed ay iska maamulanayeen koox gaar ah oo kaga faa’idaysatay nidaam la’aanta waddanka ka jirtay islamarkaaana jeebka ku shuban jiray dhaqaalihii caalamka ugu talo galay in lagusoo nooleeyo isboortigii Soomaaliya.

Waxaa kaloo ay sheegeen in qaab dhismeedka uu haatan u dhisan yahay xiriirka kubada cagta Soomaaliyeed uusan ahayn mid ka tutjumaya nidaamka federalka uu dalku qaatay.

Halkaan ka akhriso warsaxaafadeedka.

Puntlandi.com