5 Caruur ah oo ku dhimatay Qarax ay ku Ciyaarayeen Gaarisa

[Deeq A.]

Wararka naga soo gaaraya Magaalada Gaarisa ee xarunta woqooyi Bari ee dalka Kenya ayaa sheegaya in halkaasi ay ku dhinteen 5 Caruur ah.

5 Caruurta ah ayaa ku dhintay miino ay ku ciyaarayeen oo la qaraxday sida ay dadka deegaanka xaqiijiyeen.

Falkaan ayaa ka dhacay deegaanla lagu magacaabo Kanyeri oo u dhow Magaalada Gaarisa ee Gobolka Waqooyi Bari Kenya.

Booliska Kenya oo goobtaasi gaaray ayaa ku waramaya in miinadaasi ay tahay miino mar hore meesha lagu aasay.

Caruurta dhimatay waxaa u weeyn wiil 15-Sano jir ah sida ay sheegeen Booliska.

Woqooyi Bari Kenya ayaa waxaa ka dhaca qaraxyo ay geeysteen Al-Shabaab.

Xasan Maxamed Samatar Cowke 

Puntland Post

The post 5 Caruur ah oo ku dhimatay Qarax ay ku Ciyaarayeen Gaarisa appeared first on Puntland Post.