Al-Shabaab oo shaacisay inay dishay Taliyihii Howgallada PIS-ta Puntland & Saraakiil kale

[Deeq A.]

Muqdisho (Caasimada Online)-Maleeshiyada al-Shabaab ayaa baahisay warar sheegaya inay dileen Taliyihii ciidamada Howlgalada maamulka Puntland iyo ciidamo la socday.

Maleeshiyada ayaa sheegtay inay Qarax la eegteen Gaari Cabdi Bille ah oo wehlinaayay Gaadiid kale oo ay la socdeen Saraakiil Mareykan ah iyo Ciidamo ka tirsan Taliska Howlgalada PIS-ta Puntland.

Maleeshiyada ayaa tilmaantay in Qaraxa Gaariga ay kula eegteen duleedka magalada Boosaaso ee xarunta Gobolka Bari isla markaana dadka ay ku dileen ay kamid yihiin ciidamo.

Maleeshiyadu waxa ay tilmaantay in Qaraxa ay ku dileen Taliyihii Howgalada PIS-ta Puntland oo lagu magacaabi jiray Korneyl Galayr Xassan Yuusuf iyo sarkaal kale oo magaciisa lagu soo koobay Barkhad.

Waxa ay intaa ku dartay in weerarkaasi uu ahaa mid ay ka gaareen dantii ay ka lahaayen, isla markaana ay ku burburiyeen Gaadiid, sida ay baahiyeen.

Talaabadan ayaa imaaneysa xili maleeshiyaadka ay Kordhiyeen Qaraxyada ay la beegsadaan Ciidamada Puntland.

Caasimada Online

Xafiiska Muqdisho

Caasimada@live.com

The post Al-Shabaab oo shaacisay inay dishay Taliyihii Howgallada PIS-ta Puntland & Saraakiil kale appeared first on Caasimada Online.