Taliyaha Ciidanka Boolis oo si rasmi ah u sheegay tirada ciidamadii ku dhimatay Qaraxii Kaahiye ” “Anagu ma qarineyno Qof dhintay”

[Deeq A.]

Muqdisho (Caasimadda Online) –Inta la xaqiijiyay 18 Askari oo Boolis ah ayaa ku dhimatay 15 kalena way ku dhaawacmeen Qaraxii Ismiidaminta ee saakay ka dhacay xarunta Tababarka Booliska ee General Kaahiye ee magaalada Muqdisho.

Qof watay Jaakad ay ka buuxeen walxaha qarxa ayaa isku qarxiyay barxada Iskool Pluzia oo ay subixii ku tababartaan Ciidamada Booliska Soomaaliyeed gaar ahaan kuwo isku diyaarinayay xuska aasaaska Ciidanka Booliska oo 20-ka December ku aadan.

Ku simaha Taliyaha Ciidanka Booliiska Soomaaliya ahna taliye ku xigeenka Ciidanka Jenaraal Muqtaar  Xusen Afrax ayaa faah faahin ka bixiyay qarixii ismiidaaminta ahaa ee saakay ka dhacay Dugsiga tababarka ciidanka Booliiska ee Jenaraal Kaahiye.

Jenaraalka ayaa sheegay in qofka isqarixiyay uu Ciidanka soo dhexgalay isaga oo watay dharka ciidanka xili ay ku jireen quraac isla markaana isku diyaarinayeen xuska Aas aaskii Ciidanka Booliiska Soomaaliya oo ku beegan 20, Bishaan December.

Ku simaha Taliyaha Booliska ahna Taliye ku xigeenka Ciidanka Booliska Soomaaliyeed Gen. Muqtaar Xuseen Afrax oo shir jaraa’id ku qabtay Muqdisho ayaa sheegay nin soo xirtay Jaakada Qaraxda inuu soo dhexgalay Ciidamo quraax cunayay, kadibna uu isku qarxiyay.

Wuxuu sheegay Ciidamada Booliska mar walba in ay diyaar u yihiin in ay u dhintaan dalkooda, wuxuuna tilmaamay Shabaab mar walba in ay ka shaqeeyaan sidii dalka ay dib ugu dhigi lahaayeen, balse aanan laga yeeli doonin.

Halkaan hoose ka dhageyso hadalka Taliyaha

https://www.caasimada.net/wp-content/uploads/2017/12/Cod-Muqtaar.mp3

Caasimada Online
Xafiiska Muqdisho
Caasimada@live.com

The post Taliyaha Ciidanka Boolis oo si rasmi ah u sheegay tirada ciidamadii ku dhimatay Qaraxii Kaahiye ” “Anagu ma qarineyno Qof dhintay” appeared first on Caasimada Online.