Engineerada shirkada dhisaysa wadada Dangorayo iyo Eyl oo gaaray tuulada Qarxis.

[Deeq A.]

Qarxis (Puntlandi) Engineerada shirkada CCECC ee dhisaysa wadada laamiga ah ee isku xiridoonta degmooyinka Dangorayo iyo Eyl ee kawada tirsan gobolka Nugaal, ayaa gaaray tuulada Qarxis, halkaas oo ah xarunta howlgalka dhismaha wadada.

Dadka degaanka ayaa gacmo furan kusoo dhoweeyay

Qalabkii Wadada lagu dhisi lahaa ayaa sidoo kale soo gaaray Puntland, iyadoo la filayo in si rasmi ah wadada dhismaheeda loo bilaabo.

Dhinaca kale, Kulamo ayaa maanta tuulada Qaris waxaa ku yeelandoona masuuliyiinta shirkada iyo waxgaradka degaanka, si looga arrinsado habsami usocodka dhismaha wadada iyo in meesha laga saaro wax kasta oo carqalad ku keeni kara howsha socota.

Taliyaha la dagaalanka argigixisada Puntland, Gen, Muxyadiin Axmed Muuse, ayaa sidoo kale ku sugan Qarxis, isagoo halkaas u tagay inuu dadka degaanka kala hadlo nabad gelyada iyo inaanan shaqaalaha wadada dhismaya lagu sameynin wax nabad gelyadooda wax u dhimi kara.

Dhismaha wadada laamiga ee Dangorayo iyo Eyl, ayaa haddii lagu guulaysto noqondoono mid kamid ah horumaradii ugu weynaa ee ka gaarto horumarinta kaabayaasha bulshada.

Puntlandi.com