After the Somaliland election, the UAE starts the construction of its Berbera military base

[Deeq A.]

 

Koox injaneerro ah oo fadhigoodu yahay magaalada Dubai ayaa shaqada dhisamaha bilaabay kadib markii la siiyey  qandaraas ku kacaya $90 malyan oo Dollar bishii April ee sannadkaan,sida uu sheegay Cabdullaahi darwiish Agaasimaha Maamulka  ee shirkadda. Saldhigga oo laga dhisayo meel u dhow magaalada dekadda leh ee Berbera,ayaa la filayaa in la dhammaystiro bisha June ee sannadka 2018,sida uu sheegay Darwiish. Berbera waxay ku taalla Gacanka Cadmeed,waxayna 260km u jirtaa koonfurta dalka yemen,halkaasoo ciidamada Imaaraadka carabta iyo Is-bahaysiga sacuudigu kula dagaallamayaan Fallaagada Xuutiyiinta. Wasiirka Arrimaha debadda Somaliland ayaa bishii May ee sannadkaan sheegay in Imaaraadku ay ka kiraysteen garoonka diyaaradaha magaalada Berbera muddo 25 sano ah,iyadoo heshiiska u qayb ka yahay saldhig militari. Sidoo kale waddamada Khaliijka ayaa saldhgyo militari ka dhisanaya waddanka Eritrea.

 

Saldhigga dherarkiisu waa 300 mitir, oo u samaysan sida xaraf-ka(L),iskamarkaana hoos u qodan cabbir 7 mitir ah”si uu taageero garoonka militari“,waxaana loogu talo galay maraakiibta isaga gudbaya gacanka Cadmeed,sida uu sheegay Darwiish. “Maaha deked ganacsi,keliya waxaa loogu talo-galay maraakiibta badda“,yuu yiri Darwiish.

 

Wasiirka arrimaha debadda ee Somaliland, Sacad Cali Shire, ayaan durbadiiba ka jawaabin laba wicitaan mobile-ka iyo laba email oo aan u dirnay,si aan arrintaan wax uga weydiinno. Sidoo kale mas’uul ka tirsan wasaaradda Arrimaha debadda Imaaraadka Carabta oo aan wax ka weydiinnay ayaan ka jawaabin.

 

Puntlandpost.com