Shabaab ka baxsanaya duqeymaha Maraykanka oo gaaray Degmada Matabaan.

[Deeq A.]

Muqdisho (Caasimadda Online) –  Wararka laga helayo Gobolka Hiiraan ayaa sheegaya in dagaalamayaal ka tirsan Al-shabaab oo ka baxsanaya duqeynta diyaaradaha ciidamada Mareykanka ay gaareen degmada Matabaan.

Maleeshiyo ku dhow 100 iyo gaadiid dagaal oo ay wataan ayaa dadka degaanka ku arkeen iyadoo ku sugan tuulada Madhooyo oo 25 KM u jirta degmada Matabaan ee Gobolka Hiiraan, waxaana la sheegay inay halkaas uga dhuumanayaan duqeynta diyaaraadaha Mareykanka oo sii xoogeysatay muddooyinkii dambe.

Qaar ka mid ah Shacabka tuuladaan ayaa idaacada Kulmiye usheegey in ay arkeen dagaalamayaal Al-shaab katirsan oo wata gaadiid Dagaal oo Gaaraya ilaa 5 Gaadiid waxaana tirada Ciidanka Shabaab ee Gaaray Matabaan lagu qiyaasaa ku dhawaad 80 Dagaalame iyo Saraakiil ka tirsan Shabaab.

Dadka aan la hadalnay ayaa sheegay in Al-Shabaabkii Gaaray Tuulada Madhooyo ay Fariisin ka sameestayn Dhulka Buuraha ah iyo dhul kale oo keyn ah.

Saraakiil Ka tirsan Maamulka Ahlusunna  ayaa sheegey in ay isha ku hayaan dhaqdhaqaaqa Al-shbaab ay ka wadaan deegaankaas inkasto ay ku tilmaameen ragaas Al-shabab ka tirsan kuwo raadinaya goobo ay gabaad ka dhigtaan kadib markii ay korartay Duqeymaha Dhinaca Cirka ah oo ay wadaan Ciidamada Maraykanka ee ku sugan Soomaaliya.

Degmada Matabaan ayaa la sheegay in ay ku yaalaan dhul Buuraley ah iyo deegaano keyn ah oo Al-Shabaab Gabaad u noqon karo, Maraykanka ayaa kordhiyay Duqeymaha dhinaca Cirka ah oo ay ku qaadayaan Saldhiyada Al-Shabaab ee Soomaaliya.

Kooxda Ahlu suna oo degaankaasi ku dhow ayaa ka war heshay dhaqdhaqaaqa maleeshiyada Alshabaab ka wadaan degaanada hoos taga degmada Matabaan.

Caasimada Online
Xafiiska Muqdisho
Caasimada@live.com