Kenya oo si lama filaan ah u qiratay Jab xoogan oo kasoo gaaray dhanka Alshabaab

[Deeq A.]

Muqdisho (Caasimada Online)-Dowlada Kenya ayaa qiratay in weerar ay kusoo qaaden maleeshiyaadka Alshabaab looga dilay ciidamo ka tirsan Booliska.

Waxa ay Kenya sheegtay in ciidamadaasi la dilay xili ay galbinayeen gaadiid Samafal oo maraayay xadka kala beyra Somalia iyo Kenya.

Ciidamada laga dilay ayey ku sheegtay inay yihiin 12 Askari oo mar qura ku baxay gacanta maleeshiyaadka Al-shabaab.

Saraakiisha Booliska ayaa sheegay in ay iska caabiyeen maleeshiyaadka Al-shabaab ee soo weeraray balse laga dilay 12 Askari.

Sargaal u hadlay Booliska Kenya ayaa sheegay in la adkeeyay Amaanka xadka ay wadaagan Soomaaliya iyo Kenya si aysan u soo noqon weerarada joogtada ah ay Al-shabab ka soo qaadayaan dhinaca xadka Soomaaliya.

Xadka kala qeybiya Somalia iyo Kenya ayaa waxaa inta badan ka dhaca weeraro lid ku ah ciidamada Kenya ee isticmaala xadka.

Alshabaab ayaa horay u sheegay inay kordhin doonaan weerarada ay ku qaadayaan ciidamada Kenya, ee u kala goosha Somalia iyo Kenya.

Caasimada Online
Xafiiska Muqdisho
Caasimada@live.com