Saalax Posted August 16, 2017 Qoyska Maamulaha Shirkadda Dahabshiil Ee Soomaaliya Oo Lagu Weeraray Magaalada Muqdisho iyo Bahda Somalilandtoday Iyo Ganacsade Maxamed Baarjeex Oo Tacsi U Dirtay Muqdisho (Somalilandtoday)-Shalay salaasadii ayaa qoyska Ganacsade Xasan Cabdi Cawad oo ah maamulaha sherkadda Dahabshiil qaybta Soomaaliya rasaas lagu weeraray gaadhii ay saarnaayeen oo ah nooca loo yaqaan prado. Waxa shilkaas ula kaca ah ku geeriyooday mid ka mid ah carruurta Xasan Cadbi Cawad halka 5 qof oo kale carruurtiisa iyo xaaskiisii ka mid tahayna dhaawac culus soo gaadhay. Illaa hadda lama garan cidda weerarkaas arxan darrada ah gaysatay mana jirto cid sheegatay, sidoo kale ma jirto xog faah-faahsan oo warbaahinta Somalia ka qortay weerarkan. Bahda Somalilandtoday waxay Xasan Cabdi Cawad ka tacsiyeynayaan geeridaas naxdinta leh waxaanay marxuumka dhintay ilaahay uga baryayaan inuu naxariistii janno ka waraabiyo, inta dhaawaca ahna ilaahay caafimaad sareec ah siiyo. Si gaara tifaftiraha wargayska iyo shabakadda Somalilandtoday Khadar Xasan Xaaji Axmed waxa uu Xasan Cabdi Cawad iyo qoyskiisa u rajaynayaa in ilaahay bedel khayr qaba siiyo. Maxamed Baarjeex Oo Tacsi U Diraaya Ganacsade Xasan Cabdi Cawad Oo Caruur Uu Dhalay Lagu Laayay. Ganacsade Maxamed Baarjeex Iyo Cabdisalaan Baarjeex oo kamid ah ganacsatada Somaliland ayaa tacsi u diray Ganacsade Xasan Cabdi Cawad isagoo ka tacsi yadeeyay geerida ku timi caruur uu dhalay Ganacsade Xasan Cabdi Cawad oo si arxandaro ah loogu xasuuqay Magaalada Muqdisho . Alle Samir iyo Imaan haka siiyo Xasan Cabdi Cawad geerida ku timi caruurtiisa Xigasho: Wargeyska Somalilandtoday http://somalilandtoday.com/qoyska-maamulaha-shirkadda-dahabshiil-ee-soomaaliya-oo-lagu-weeraray-magaalada-muqdisho-iyo-bahda-somalilandtoday-oo-tacsi-u-dirtay/ Quote Share this post Link to post Share on other sites
