Technical committee for Centre state Finnish their seminar

[malistar2012]

Tababar loo soo gabagabeeyay guddiga maamul u samaynta gobolada dhexe ee dalka Soomaaliya (Sawiro)

by mahad | Monday, Dec 15, 2014 | 1687 views

 

 

Guddiga farsamada dhismaha maamulka gobolada dhexe ayaa maanta loo soo gabagabeeyay tababar socday muddo toddobaad ah kaasoo ay ku baranayeen qaabka doorashada loo jiheyn lahaa.

 

Munaasabadda soo gaba-gabeynta tababarkan ayaa waxaa ka qayb-galay xubnaha gudigaas iyo saraakiil ka socotay wasaaradda arrimaha gudaha xukuumadda dhawaan kalsoonidii lagala laabtay.

 

Tababarkan oo socday muddo toddobaad ah ayaa waxaa soo qaban-qaabisay wasaaradda arrimaha gudaha Somalia, waxaana fududdeysay xarunta CRD iyo hay’ad lagu magacaabo FCA oo fadhigeedu yahay dalka Finland.

 

Xafladda ayaa waxaa ugu horreyn ka hadlay Iimaan Xasan oo ku hadlay magaca ka qayb-galayaasha tababarka, isagoo sheegey in mudadii uu socday tababarka ay aad u la-fagureen sidii maamul loogu sameyn lahaa gobollada dhexe ee Soomaaliya.

 

“Annagu waxaan nahay guddi farsamo oo ujeedkiisu yahay sidii bulshada gobollada dhexe ku nool ay u heli lahaayeen maamul loo dhan yahay,“ ayuu yiri Iimaan Xasan.

 

Ismaaciil Jimcaale oo ka mid ahaa xubnihii ka socday wasaarada arrimaha gudaha Somalia oo isaguna munaasabadda ka hadlay ayaa in wasaaradu ay ku faraxsan tahay in guddiga maamul u sameynta gobollada dhexe loo qabto siminnaar, isagoo tilmaamay inuu yahay mid u fududeynaya howsha adag ee sugeysa, wuxuuna kula dardaarmay guddiga farsamo inay dadaal muujiyaan ayna ka miro-dhaliyaan howshan maadaama muddo dheer lasoo waday.

 

Ugu dambeyn, waxaa tababarka soo xiray sii-hayaha xilka wasiirka arrimaha gudaha iyo federaalka Soomaaliya, C/llaahi Goodax Barre, isagoo xusay inay hay’adaha CRD iyo FCA qabteen howl loo baahnaa oo waqtigeeda lagu soo beegay. Isagoo guddiga farsamo u soo jeediyay in howsha baaxada leh ee ay u hayaan bulshada gobollada dhexe ka gaaraan natiijo wax ku-ool ah

“Muddo afar bilood ah ayaad howshan soo waddeen waana idin kaga mahad-celinayaa sida aad ugu dhabar-adaygteen howsha oo ah mid adag,“ ayuu yiri Goodax oo ku boorriyay guddiga in ay howshooda si cadaaladi ay ku jirto u dhameystiraan, casharradii ay tababarka ku qaateen ku dabaqaan howshooda.

 

Tababarkan ayaa waxaa kasoo baxay baaq ah in la dadajiyo howsha maamul u sameynta gobollada dhexe ee dalka, waxaa kaloo baaqan ka mid ah in la joojiyo dhamaan colaadaha ka taagan gobollada dhexe. In bulshada kasoo jeeda gobolladaas ee dalka dibadiisa iyo gudihiisaba jooga ay qayb weyn ka qaataan dhameystirka maamulka loo sameynayo gobolladooda iyo inay dar-dar-geliso dowladda federaalka Soomaaliya sugida amniga goobta u shirku ka dhacayo.

 

 

[malistar2012]

Ciidamada dowladda oo si nabad kula wareegay degmada Guriceel ee Gobolka Galgaduud

by A M | Monday, Dec 15, 2014 | 8132 views

 

 

Ciidamo fara badan oo ka tirssan dowladda Soomaaliya ayaa goor dhoweyd la wareegay degmada Guriceel, iyadoo ciidankii kale ee ka tirsanaa Ahlusuna ay isaga baxaan.

 

Xaalada degmada Guriceel ayaa ah mid degan, iyadoo aanay wax dagaal ahi ka dhicin, waxaana dadka deegaanka ay isugu soo baxeen wadooyinka, si ay u arkaan ciidanka dowladda ee qabsaday Guriceel.

 

Ciidamada dowladda ayaa jimcihii laga saaray degmada Guriceel, markii uu dagaal kooban uu halkaas ku dhex maray qeyb ka mid ah ciidanka Ahlusuna.

 

Wararka laga helayo Guriceel ayaa sheegaya in ciidankii ka tirsanaa Ahlusuna ay labo dhinac kala aadeen, waxaana qeyb ka mid ah ay u baxeen dhanka Xeraale,.

 

Sidoo kale ciidamo kale oo uu watay Cabdi Waal ayaa iyana u baxay deegaanka Geri-Jire oo 60-KM galbeed ka xigta Guriceel, halkaasoo u dhow dhinaca xuduuda Itoobiya.

 

Xaalada degmooyinka Guriceel iyo Dhuusa Mareeb ayaa ah mid degan, waxaana labadaas degmo si buuxda gacanta ugu haya ciidamada dowladda Federaalka.

 

Dagaalo labadii maalmood u dambeeyay ka dhacayay Guriceel iyo Dhuusa Mareeb ayaa waxaa uu salka ku haya maamulka deegaanka iyo qorshaha maamul u sameynta Gobolada Dhexe.

[malistar2012]

Ciidamada dowladda oo si nabad kula wareegay degmada Guriceel ee Gobolka Galgaduud

by A M | Monday, Dec 15, 2014 | 8132 views

 

 

Ciidamo fara badan oo ka tirssan dowladda Soomaaliya ayaa goor dhoweyd la wareegay degmada Guriceel, iyadoo ciidankii kale ee ka tirsanaa Ahlusuna ay isaga baxaan.

 

Xaalada degmada Guriceel ayaa ah mid degan, iyadoo aanay wax dagaal ahi ka dhicin, waxaana dadka deegaanka ay isugu soo baxeen wadooyinka, si ay u arkaan ciidanka dowladda ee qabsaday Guriceel.

 

Ciidamada dowladda ayaa jimcihii laga saaray degmada Guriceel, markii uu dagaal kooban uu halkaas ku dhex maray qeyb ka mid ah ciidanka Ahlusuna.

 

Wararka laga helayo Guriceel ayaa sheegaya in ciidankii ka tirsanaa Ahlusuna ay labo dhinac kala aadeen, waxaana qeyb ka mid ah ay u baxeen dhanka Xeraale,.

 

Sidoo kale ciidamo kale oo uu watay Cabdi Waal ayaa iyana u baxay deegaanka Geri-Jire oo 60-KM galbeed ka xigta Guriceel, halkaasoo u dhow dhinaca xuduuda Itoobiya.

Xaalada degmooyinka Guriceel iyo Dhuusa Mareeb ayaa ah mid degan, waxaana labadaas degmo si buuxda gacanta ugu haya ciidamada dowladda Federaalka.

 

Dagaalo labadii maalmood u dambeeyay ka dhacayay Guriceel iyo Dhuusa Mareeb ayaa waxaa uu salka ku haya maamulka deegaanka iyo qorshaha maamul u sameynta Gobolada Dhexe.